الله بو گیجه مسجد مولا نیه گلمور

[~ArTaBaNoOs~]

الله بو گیجه مسجد مولا نیه گلمور

بیلمم نه گلوب باشینه آیا نیه گلمور

آغلور آتاسیز قیز ابو الایتام غمینده

سسلور آناجان هاردادی بابا نیه گلمور

او ئولسه یتیملر باشینا ال چکن اولماز

او گلمسه گولمزلب دنیا نیه گلمور

هی باشه ووروب ضجه چکور بیوه خانملار

هجرانی سالوب ایولره غوغا نیه گلمور

بطحایه گیدوب باش چکه گر قبر بتوله

ای خاک بقیع زائر زهرا نیه گلمور

اغلاردی گوزی فاطمه نین آیریلقندان

یار غم صدیقه کبرا نیه گلمور

هرشب که نمازه هامیدان تئز او گلردی

قرآن آلا باشه شب احیا نیه گلمور

ای خادم مسجد گینه سن یاخشی بیلورسن

تاخیر ایلیوب سرور بطحا نیه گلمور

نخلستانا گئتسیدی صلاته قئیدردی

قان آغلوری هجرینده مصلا نیه گلمور

آیا گینه کیم خانه نشین ائتدی علینی

گلسون ائلسون حل معما نیه گلمور

گورسه اونی دشمن اوتانوب دوست اولار شاد

مصداق تولا و تبرا نیه گلمور

غوغادی قیامتدی ولایت قاپوسندا

سسلور هامی دیچره شه والا نیه گلمور

ویرمور حسنین هیچ گلنه اذن ملاقات

ایوای قاپیا نایب طاها نیه گلمور

وار باشدا دیوللر یاراسی قانی کسیلمور

گر یاره سینه اولدی مداوا نیه گلمور

عباس آتاسین یاره ایاقدان سالا بیلمز

فورا یاراسین باغلار اطبا نیه گلمور

وور باشه کلامی آتا وای سسلوری زینب

جان اوسته دی مولا داخی یازما نیه گلمور

[*ArAsH*]

مرسی عالی بود